Transporte

O transporte é o sector máis consumidor de enerxía en España, alcanzando un 36,2% do total nacional. Pola súa banda, o vehículo turismo representa aproximadamente o 15% do devandito total.





Este consumo enerxético e as importantes emisións de gases de efecto invernadoiro asociadas, fan necesaria a introdución de medidas de aforro enerxético mediante unha aposta por:

1. a eficiencia e a innovación
2. os novos modelos de transporte e
3. o cambio de hábitos da cidadanía

A substitución do noso parque automobilístico por vehículos cada vez máis eficientes e menos contaminantes, e a diversificación dos combustibles, son un dos factores clave á hora de contribuír a reducir os efectos do transporte sobre o medio.

Por outro lado é imprescindible traballar na introdución de propostas de mobilidade sostible, como o favorecemento das redes de transporte público e a regulación eficiente do transito nas cidades.